الشيخ اسماعيل حقي البروسوي
فهرست 46
تفسير روح البيان
صكره صحبت خاص اثنا سنده بركون زيادة انجذاب روحاني وتجلىء رحماني واقع أو لمغله بو فقيره كلمات هدائيه دن بر الاهى وعقبنده سورهء يوسفدن بعض آيات أو قدوب أول جذبه اثنا سنده دعاء عظيم ايتدكد نصكره - سنى بورايه كتيرن ميراثكدر زيرا سندن غيرى يه قلبمده علاقة بولمادم - ديو مسبحه پرماغنى اغزلرى اورته سنه قيوب - بو نفس بند نصكره سكا وأصل اولور - ديو نطق ايتملريله مبارك ركبهء اشرفلرى تقبيل اولنوب ذوق وسرور بي نهاية ونشاط وانبساط بي غاية حاصل اولدى . ومقدما خيالده واقع أو لأن معنا صورت بولدي . وبو اثناده ايكى كره سلطنت ظهور ايدوب وَرَفَعْنا لَكَ ذِكْرَكَ ايله مبشر ودخى قُمْ فَأَنْذِرْ ايله مخاطب أولديغمز خفى اولميه . وأسماء الاهيه دن ( عبد اللّه ) و ( عبد القادر ) و ( عبد اللطيف ) و ( محمود ) و ( قبلهء أهل السما ) وأمثالي ايله تسميه اولنديغمز واردات كبراده وسائر آثار يمزده مبيندر . وجملهء آثار يمزيوز عدددن متجاوز در از جمله اوچ مجلد كبير ( تفسير روح البيان ) و ( شرح حديث أربعين ) ( وشرح آداب ) وأصول حديث دن ( شرح نحبة الفكر ) كه مجموعهء كبرادر و ( كتاب الخطاب ) و ( كتاب النجاة ) و ( كتاب كبير ) و ( نقد الحال ) و ( كتاب الحق الصريح والكشف الصحيح ) و ( كتاب التيجه ) و ( شرح المحمدية ) و ( شرح المثنوى ) و ( تحفهء حاصكيتيه ) وشرح ( تفسير الفاتحة ) و ( شرح الكبائر ) و ( تمام الفيض ) وأمثالي كبى كمي لسان عربيله تحرير وكمي زبان تركيله تقرير اولنمشدر . منظومه لريمز اون بيكدن متجاوز در وشيخم حضر تلرينك اثر جليللرى أو لأن ( تفسير فاتحهء قنوى ) شرحنى تكميلد نصكره جمعه كونى بر ساعت مباركه ده بوفقيرى دعوت ايدوب أو شرح تفسير كه مجلد كبير در يديمه صونوب - آل شونى اوتوزالتى يللق محصولمدر اللّه تعالى سكادخى زيادة سنى احسان ايليه - ديو دعا ايتديلر وأوراده سر رجال نه اولديغى بر مرتبه دخى كشف اولديكه وصفه كلمز . وانلرك بوفقير حقنده أنفاس طيبه سند ندركه - اللّه تعالى بكابر خليفه ويردى كه آنى حضرت پيره يعنى شيخ هدايىيه ويرمدى - بيور مشدر . و - اللّه تعالى سنى حضرت پيرك سر نه مظهر ايلمشدر - . وبو كلام اوجهتدن آنلردن صادر اولديكه بوفقير آنلرك مجلسلرنده كلمات عاليه سن ضبط ايدوب لسان عربيله ترجمه ايدر ايدم حضرت هدايى شيخ افتاده حضرتلرينك كلماتن ترجمه ايتديكى كبى نتكم بر مقدارى تمام الفيض نام كتابمزده مسطوردر . وبو فقير حضرت شيخك وفاتند نصكره سلطان مصطفى كوننده دعوت طريقيله ايكى دفعه غزا وايكى دفعه حج ميسر اولوب ابتدأ الفات أربعة ده واقع أو لأن حجده تأليف اولنان ( اسرار حج ) سائر كتب جليله ايله علاقربنده عربان يغماسنده كيتدى وحرمين شريفينده واقع أو لأن إشارات لطيفه كمي بعض آثار يمزده مضبوط وكمي دخى متروكدر . وحضرت شيخك انتقالندن يكرمى سكزسنه مرورند نصكره دمشق الشامة هجرته مأمور اولمغله أهل وأولاد ايله بروسهدن شامه عزيمت ايدوب واروب أوراده اوچ سنه قدر مكثد نصكره اللّه تعالى نك اذني ورسول اللّه صلى اللّه عليه وسلم حضرتلرينك اشارتيله وولد اكبرى أولد يغمز محى الدين العربي حضرتلرينك عبارتى وحضرت خضرك امداد وإعانتي وحضرت شيخك مرارا اجازتيله إستانبول جانبنه متوجه اولوب كلوب اوچ سنه قدر اسكدارده مكث واقامتد نصكره تكرار بروسهيه سوق الاهى واقع اولمغله اوردان سمند عزيمته سوار اولوب